Somos unha empresa nova e dinámica, con sé na provincia de Pontevedra (Galicia). O forte crecemento e a importante transformación que experimentou o noso proxecto empresarial, desde os seus inicios ata a actualidade, permitiunos medrar ata converternos nun referente dentro do sector das publicacións deportivas no estado.

Traballamos con moitos tipos de clubs: decanos, asentados e con anos de historia, e modestos, cuxa historia aínda está por escribir...

Contamos cun gran equipo humano, altamente cualificado, e estamos dotados coas ferramentas tecnolóxicas necesarias. Ofrecendo aos nosos clientes un álbum adhesivo para coleccionar, con acabados de gran calidade, totalmente personalizado e GRATUÍTO.

As nosas publicacións gozan dunha gran acollida e unha repercusión social nos medios cada vez maior: un éxito acadado grazas a un proxecto empresarial sólido, fomentador de importantes valores, apoiado nunha estratexia de crecemento sostible e no que traballamos día a día, co obxectivo de superarnos e ofrecer aos nosos clientes o mellor.

Temos convertido os pequenos soños de moitas persoas nunha fantástica realidade: verse inmortalizadas para sempre nun cromo adhesivo como os grandes deportistas de élite. Axudámoslles a sentirse tan protagonistas como calquera xogador de Primeira División, ao completar un dos coleccionables máis importantes e especiais da súa vida: o álbum co que pasarán a formar parte inesquecible da historia dos seus clubs.